İNTELLEKTUAL BÖLMƏLƏRDƏ
MÜDDƏTLİ HƏRBİ XİDMƏT ÜÇÜN MÜRACİƏT

“Şəxsi kabinet”in yaradılması və istifadə qaydası

Milli Müdafiə Universitetinin elektron xidmətlərindən faydalanmaq istəyən hər bir istifadəçinin şəxsi kabineti olmalıdır.

İstifadəçilər xüsusi təyinatlı təhsil müəssisələrinə sənəd qəbulu zamanı aşağıdakı qaydalara diqqət yetirməlidirlər:

• Tələb olunan təsdiqedici sənədlərin təlimata uyğun yerləşdirilməsi;
• Portala əlavə olunacaq müvafiq sənədlərin surətinin şəkil formatında olması;
• Qeydiyyat zamanı göstərilən elektron ünvan və əlaqə nömrəsinin düzgün qeyd olunması;
• Şəxsi kabinetdə olan “Məktub qutusu”nun mütəmadi olaraq yoxlanılması.

Şəxsi kabinetə giriş məlumatlarının gizli saxlanılması xahiş olunur.

Müraciətin qaydası

1. Hər bir şəxs öz FİN-i ilə portalda yalnız bir dəfə qeydiyyatdan keçə və yalnız bir müraciət təqdim edə bilər.
2. Müraciət qeydiyyat prosesində təqdim olunur: yalnız bir meyar seçilir, həmin meyar üzrə tələb olunan məlumatlar daxil edilir və təsdiqedici sənədlər əlavə olunur. Elektron poçt ünvanı təsdiqləndikdən sonra hesab yaradılır və müraciət komissiyaya göndərilir.
3. Bəzi meyarlar üzrə (məsələn, qəbul imtahanında 600 və yuxarı bal toplamış şəxslər) qeydiyyat və müraciət tələb olunmur — bu barədə meyar seçildikdə məlumat verilir.
4. Təqdim olunan məlumatların və sənədlərin düzgünlüyünə görə müraciətçi şəxsən məsuliyyət daşıyır.
5. Müraciət təqdim edildikdən sonra məlumatlarda dəyişiklik yalnız komissiya düzəliş tələb etdiyi halda mümkündür.
6. Qeydiyyat 30 dəqiqə ərzində tamamlanmadıqda daxil edilmiş məlumatlar təhlükəsizlik məqsədilə silinir.

“Qəbul edirəm” düyməsini sıxmaqla qaydalarla razı olduğunuzu və şəxsi məlumatlarınızın müraciətə baxılması məqsədilə emal edilməsinə razılıq verdiyinizi təsdiq edirsiniz.